A concelleira responsable da área de Benestar Social, Yoya Neira, acompañada do concelleiro de Educación, Juan Ignacio Borrego, presidiu hoxe a reunión do Consello Escolar Municipal, o órgano de consulta no que está representado o profesorado de centros escolares públicos, concertados e privados da cidade, membros das ANPAS e representantes do alumnado. Para o Goberno de Inés Rey o Consello Escolar Municipal é unha ferramenta fundamental da participación da comunidade escolar e garante a fluidez da comunicación entre os centros e o Concello.
